Холбоо барих


“МОНГОЛ УЛСЫН СОЁЛЫН БҮТЭЭЛЧ ҮЙЛДВЭРЛЭЛИЙГ ХӨГЖҮҮЛЭХ НЬ” СЭДЭВТ ЗӨВЛӨЛДӨХ УУЛЗАЛТ АМЖИЛТТАЙ БОЛЛОО

Мэдээ мэдээлэл 2017/10-26 ・ 65

БСШУСЯ, ЮНЕСКО-ийн Бээжин дэх төлөөлөгчийн газар, ЮНЕСКО-ийн Монголын үндэсний комисс, Засгийн газрын хэрэгжүүлэгч агентлаг Соёл урлагийн газар хамтран “Соёлд суурилсан бүтээлч үйлдвэрлэлийн практик орчинг Монголд бий болгох нь” төслийн үр дүнг хэлэлцэх “Монгол Улсын соёлын бүтээлч үйлдвэрлэлийг хөгжүүлэх нь” сэдэвт зөвлөлдөх уулзалтыг 2017 оны 10 дугаар сар 20-21-ний өдрүүдэд Улаанбаатар хотноо амжилттай зохион байгууллаа.

Энэхүү уулзалт нь Монголын соёлын бүтээлч үйлдвэрлэлийн стратеги болон үйл ажиллагааны төлөвлөгөөг үндэсний хэмжээнд авч хэрэгжүүлэх бодлогын зөвлөмжийн төслийг танилцуулах, төслийн хэрэгжилтийн явцад хүрсэн ололт амжилт, тулгарсан сорилт бэрхшээл, авсан сургамж зэргийн талаар салбарын мэргэжилтнүүдэд ойлголт, мэдээллийг түгээх зорилготой юм.

Зөвлөлдөх уулзалтад БСШУСЯ-ны Соёл урлагийн бодлогын газрын дарга Н.Болд, Засгийн газрын хэрэгжүүлэгч агентлаг Соёл урлагийн газрын дарга Г.Эрдэнэбат, Бүгд Найрамдах Солонгос Улсын Элчин сайдын яамны нэгдүгээр нарийн бичгийн дарга Шин Сан Кюн, ЮНЕСКО-ийн Бээжин дэх төлөөлөгчийн газрын Соёлын хөтөлбөр хариуцсан мэргэжилтэн Хималчули Гурунг, ЮНЕСКО-ийн олон улсын шинжээч Дэсмонд Хью, Монгол Улсын 21 аймаг, Нийслэлийн соёл урлагийн газар, 9 дүүргийн соёлын бодлогын асуудал хариуцсан мэргэжилтнүүд болон холбогдох байгууллагын төлөөлөгчид оролцлоо.

Мөн уулзалтын үеэр "Соёлын илэрхийллийн олон төрөл зүйл- Урлагийн эрх чөлөө" фото зургийн уралдааны ялагчдад шагнал гардуулсан юм. 
Уралдааны тэргүүн байрыг Б.Баторгил "Шивнээ" зургаар, Дэд байрыг Г.Өнөболд "Untitled" зургаар, Гутгаар байрыг Н.Цолмон "Бүжиг" зургаар тус тус хүртлээ.

Уг уралдаан нь Соёлын илэрхийллийн олон төрлийг хамгаалах болон хөхиүлэн дэмжих тухай конвенцийн талаарх олон нийтийн мэдлэг ойлголтыг нэмэгдүүлэх, хувь хүн, бүлэг, хамт олон үзэл санаагаа үгээр болон дүрсээр чөлөөтэй илэрхийлэхийг дэмжих зорилготой зохион байгуулагдсан болно. 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Мэдээ мэдээлэл
















2017 оны 9 дүгээр сарын 26
















Тэмдэглэлт өдрүүд